Gava çavê guliyek genim li birçiyan ket

Pirr xemgîn bû û got:

Xwezî ez zeviyek genim bûma.

Darên daristanan bihîstin, wan jî gotin:

Xwezî berên me jî genim bûna.

Baranê jî bihîst û wê jî got:

Xwezî barandina min jî biba genim

Û biherikiya zikên van birçiyan.

Guhên axê jî li wê gotinê ketin û wê jî got: 

Xwezî ez tev bibûma genim!

Ta keviran jî, gava bihîstin, gotin:

Xwezî dilên me jî genim bûna.

Tenê mirovan gotin:

Xwezî û ji bîr kirin 

Ku hevoka xwe bi dawî bikin!